秘撈被上司捉到係咪抄硬


香港打工一族出名搏殺,不但常常OT,甚至會用盡工餘時間去秘撈,務求令荷包更加豐滿。然而,所謂上得山多終遇虎,持續密密秘撈,難保有朝一日被同事及上司揭發,遭到處分甚至炒魷。其實不同公司的僱傭合約,對員工做秘撈亦有不同限制,打工一族宜規行舉步,勿因少少外快,而令自己丟失飯碗。


辦公室ER:我是一家展覽及廣告公司的公關,早前向公司請了年假,並於年假期間為另一家公司做商品展的freelance工作。不料,在秘撈期間,我在會場遇上了公司的兩名同事,雖然我千叮萬囑請他們要保密,但我恐怕紙包不住火,上司會知道我做秘撈,將我解僱,到底我該如何保住飯碗?讀者Amy


雖然不少公司都不鼓勵員工秘撈,但Amy會否因此被解僱,要取決於她入職時所簽的僱傭合約條款,中原人力資源顧問有限公司董事總經理周綺萍小姐表示:「有公司會寫明禁止員工秘撈,有公司會准員工經申請後去做其他工作,建議佢要睇番份合約點寫,假若合約寫明話做秘撈要即炒,公司有權炒佢而唔賠錢,員工亦好難同公司或勞工處索償。」


秘撈忌做本行


雖然坊間大部分僱傭合約都沒清晰寫明秘撈的後果,但周小姐提醒,員工秘撈亦隨時違反保密協議,「多數合約都有一條保密協議,要求員工唔可以披露公司任何機密資料,如果你份freelance只係同人補?習,咁當然冇問題啦,但如果你係幫公司競爭對手做展覽會freelance,有利益衝突,你好難去避嫌,公司有機會話你披露機密資料,屬嚴重錯失,同樣可以炒人唔賠錢。所以出去秘撈,盡量都唔同做自己本行?工作。」


Amy被2位同事撞破秘撈,萬一消息傳入上司耳中,而令她受到處分,她亦別無他法,只可以扮可憐,「如果上司知你秘撈而要怪責你,基本上好難有得兜,惟有死死氣地認錯,話自己呢排屋企有事,比較手緊,希望得到對方同情,減輕處分。」


青雲路 二零一二年四月十日

2012年4月16日

新聞焦點